smoll fefe
 |  موضوع: دليلك للماكياج الطبيعي الصحيح ! 7/7/2011, 17:49 | |
|
دليلك للماكياج الطبيعي الصحيح !
[ندعوك للتسجيل في المنتدى أو التعريف بنفسك لمعاينة هذه الصورة]
السلآم عليكم ورحمه الله وبركاته
كثير بنات طايحين بسالفة natural look و هو بصرآحة حلوو لانه يناسب الاغلبية
لكن لاحظت ان بعض الناس تحتاج شوية تصحيح لمفاهيمهم عن هاللوك
و هالموضوع مجرد اختلاف بالرأي
[ندعوك للتسجيل في المنتدى أو التعريف بنفسك لمعاينة هذه الصورة]
المفاهيم الخاطئة عن اللوك
- المكياج الطبيعي لا يعني ابدا بشرة صفراء خالية من الفاونديشن !
بمعنى ان كثير بنات تفكر ان مكياج طبيعي معناه عذر انها ما تحط فاونديشن وهالشي غلط لان اساس اي مكياج او لووك طبيعي هو الفاونديشن اللي يعطي مظهر صحي و موحد وملمس طبيعي للبشرة اصلا اصلا اساس المكياج الطبيعي هو التركيز على الـ perfect skin فكيف بتقولين ما تحطين فاونديشن ولا كونسيلر ؟ حتى لو بشرتك صحية وما تعانين من اي مشاكل بالبشرة و ماعندك هالات تحت العين..البشرة الصحية لازم تبين بالفاونديشن ومو معناه قلنا فاونديشن نقصد حطي 6 كيلو بعض البنات يحسون ان كلمة فاونديشن يعني ماسك .. في فاونديشنات خفيفة جدا و ملمسها عالبشرة مريح جدا وطبيعي لكن تضيفلك شكل ورونق حلوو ..الفاونديشن شي اساسي جدا جدا بالمكياج الطبيعي ببساطة لان مافي شغل كثير بالميك اب فالتركيز بيكون على بشرة صحية و مثالية فضروري جدا استخدام الكونسيلر والفاونديشن بشكل طبيعي و خفيف نوعا ما..
- المكياج الطبيعي لا يعني ابدا عدم وضع المكياج من شادو و ماسكارا و غيره !
البعض يفكرون ان مكياج طبيعي احد فاونديشن واطلع ! ويطلع الوجه باهت جدا و ما تستفيدين شي
من اسمه مكياج طبيعي = يعني اكيد بتحطين مكياج، لكن اختيارك لالوان طبيعية جدا جدا جدا بحيث ما تبين يعني اللي يشوفك يقول ما كانك حاطه ،لكن تسوي فرق بسيط وتجممل الملامح اكثر وتبرز العين واستخدام الوان ترابيه هادية وناعمة واستخدامها بشكل خفيف جدا جدا جدا + الماسكارا + الكحلة كلها تؤدي لمكياج طبيعي مثالي.. فلازم مكياج العيون يكون مرتب ولا ما استفدتي شي
- المكياج الطبيعي لا يعني كحلة و قلوس فقط!
اكثر شي يقهرني واحدة تحط كحلة بعينها وقلوس وتقول هذا مكياج طبيعي،! احس من جد وين عايشة لا تفكرين تحطين قلوس او شادو او اي شي على وجهك بدون فاونديشن مرتب حطيه خفيف بس اهم شي لاتفكرين تطلعين كذا ، لو انك تطلعين وجهك مغسول اهون من سالفة روج وكحلة او قلوس وكحلة على بشرة بدون فاونديشن! دايما هاللوك يعطي البنات كانهم واحدة سهرانه 4 ايام ورا بعض وجاية الدوام ومكياجها سايح بقايا اليوم السابق!
لوك غير موفق ابدا ابدا ابدا وعقدني لان كثير اللي ماعندهم خلفية بالميك اب يسوونه ومايدرون انه يبشع ما يجمل ملامحهم ! اذا ما تحبين الفاونديشن لاتحطين مكياج اساسا! بس لا تسوين هالحركة مرا ما تصلح..
- المكياج الطبيعي لا يناسب جميع الاوقات
المكياج الطبيعي اذا عرفتي تضبطينه اختاري الاوقات اللي تصلحله، مثلا .. ممكن تحطينه يوميا بالدوام - زيارات بسيطة لناس مقربين - جمعات العايلة - احد جايك البيت ، بس فكرة انك تروحين حفلة DJ او زواج او عزيمة عشا وفيها ناس كثيرة او مناسبة عيد مثلا بهالميك اب .. ابدا ما تصلح بتتعطي لوك كانك واحدة ما عندها وقت وجات بسرعة .. مو لازم تحطين 6 كيلو مكياج بس عالاقل حطي كحلة روج وردي مرتب .. يعني انتبهو من هالنقطة لان كثير بنات يحسبونه ينحط بكل مكان
-المكياج الطبيعي يصغر بالعمر
عمر الميك اب الطبيعي ما صغر او كبر بالعمر .. انصدم لما اشوف واحدة بسهرة او حفلة وعمرها 29 سنة وحاطه هالميك اب وتلبس فستان ميني منفوش و مسوية شعرها سترايت وفرق من النص وتلبس فلات وتتصرف يعني اني ام 14 سنة! وين عايشة؟ ترا الناس تعرف كل واحد وسنه وكل واحد وعمره والملامح تببين .. فاذا بتحطين هالميك اب بالحفلات لهذا الهدف صدقيني ترا ما راح تستفيدين الكل يعرف السن من الملامح ويبين الصغير والكبير فعيشي سنك وحطيه لانه يناسبك مو علشان تصغرين من نفسك.
[ندعوك للتسجيل في المنتدى أو التعريف بنفسك لمعاينة هذه الصورة]
الميك اب الطبيعي يناسب الكبير والصغير و كافة انواع البشرة و الملامح اذا استخدم بطريقة صحيحة
و الكونتورينغ او تحديد معالم البشرة يستخدمونه كثير بالـ Runway لان في تصوير وكذا’بس بحياتك اليومية انصح بس بتحديد عظمة الخد عن طريق البلاشر والاكتفاء بذلك للحصول على مظهر طبيعي.
وزي ما انتو شايفين تتنوع درجات الميك اب الطبيعي البعض يحتاج لرسم كحلة ناعمة او اضاءة خفيفة تحت الحاجب ولكن عامة الالوان المستخدمة تكون مابين الوردي او الاورانج او الالوان الترابية الفاتحة الهادئة جدا واستخدامها بشكل مخفف جدا..
نصائح عند وضع الميك اب الطبيعي
- التاكد من ان رسمة الحاجب تكون نظيفة و مرتبة وغير باهته !
- التركيز على البشرة والحواجب فيجب التاكد من الحصول على بشرة مثالية و طبيعية المظهر والملمس!
- البلاشر مهم جدا لاعطاء نضارة للوجه وبريق (لوحطيتي فاونديشن بدون بلاشر بيطلع كانك مريضة شوي لان لون بشرتك واحد)
- الغلوس مهم جدا ويجب الابتعاد عن الارواج بـ الالوان الصارخة او القوية..
- الكحل الابيض داخل العين يعطي مظهر طبيعي اكثر ويوسع العين.
- ممكن اضاءة ظل عند منتصف عظمه العين لابراز العين ولا تنسين الماسكارا انها ما تتكتل عبر تمرير منديل على الاطراف .لان الرموش الطبيعية تكون منفصلة غير متكتلة
| |
|
